Опис
Драмата „Три сестри“ на Антон Павлович Чехов претставува едно од најрепрезентативните остварувања на модерната руска драматургија и пресвртница во развојот на психолошкиот реализам. Создадена на почетокот на XX век, драмата ја проблематизира егзистенцијалната положба на човекот, судирот помеѓу идеалите и стварноста, како и неможноста поединецот да го реализира сопствениот духовен и животен потенцијал. Судбините на Олга, Маша и Ирина ја отсликуваат кризата на интелигенцијата, заробена во монотонијата на провинцискиот живот и во постојаниот копнеж по Москва, која функционира како симбол на изгубените идеали, духовната исполнетост и надежта за поинаква егзистенција.
Наместо да ја гради драмската структура врз динамични настани, Чехов ја насочува својата уметничка постапка кон суптилната психологизација на ликовите и кон откривање на нивните внатрешни конфликти. Токму преку секојдневните разговори, неизговорените чувства и привидната статичност на дејството се разоткрива трагичноста на човечкото постоење. Во ова дело, времето не е само драмски елемент, туку и симбол на неповратноста, пропуштените можности и постепеното исчезнување на надежта.
Со својата длабока филозофска и психолошка димензија, „Три сестри“ останува едно од најзначајните дела на светската драмска литература. Универзалноста на неговите теми – смислата на животот, моќта на надежта, страдањето и човечката истрајност – овозможува драмата да биде актуелна и современа, потврдувајќи ја трајната вредност на Чеховото драмско творештво.
Во МНТ веќе течат пробите за претставата „Три сестри“ во режија на Нела Витошевиќ, со што на повидок е едно ново, современо и актуелно читање на ова епохално дело.
* АКТЕРСКА ЕКИПА
* КРЕАТИВНА И ТЕХНИЧКА ЕКИПА
АКТЕРСКА ЕКИПА
Ирина - Дарја Ризова
Маша - Наталија Теодосиева
Олга - Верица Недеска
Андреј - Дамјан Цветановски
Александар - Благој Веселинов
Иван - Емил Рубен
Игор - Ивица Димитријевиќ
Наташа - Нина Деан
Никола - Антонио Ташковски
КРЕАТИВНА И ТЕХНИЧКА ЕКИПА
Текст: Васил Христов и Нела Витошевиќ
Драматург: Викторија Рангелова - Петровска
Сценограф: Игор Васиљев
Костомограф: Роза Трајческа
Композитор: Огнен Анастасовски
Извршни продуценти: Симона Угриновска и Виктор Рубен
Инспициент: Саво Ивановски
Суфлер: Тања Ивановска