TECHNONEOLITH - Изложба на Слободан Живковски

TECHNONEOLITH Изложба на Слободан Живковски 📅 Среда, 19 август 🕗 20:00 часот 📍 Галерија МКЦ Слободан Живковски е роден во 1949 година во Скопје. Дипломира на Архитектонскиот факултет во Скопје, а во 1982 година специјализира индустриски дизајн на ENSAD во Париз. Живковски активно работи во архитектурата и индустрискиот дизајн, со реализирани значајни објекти, ентериери и дизајнерски проекти. Добитник е на главната југословенска награда за индустриски дизајн во 1988 година. Го дизајнирал и македонскиот штанд на Светската изложба EXPO 1998 во Лисабон. Како член на ДЛУМ, има реализирано повеќе самостојни и колективни изложби, а во 2022 година е прв добитник на наградата за најдобро дело во голем формат. TECHNONEOLITH Серијата на расклопени картонски амбалажи, пресликани со акрил, претставува естетско, онтолошко и философско истражување. Отпадот на потрошувачкото општество станува уметнички објект. Картонската амбалажа — создадена да заштити, да биде употребена и потоа фрлена — добива нов живот и ново значење. Композициите се храбри, доминантни и речиси тотемски. Потсетуваат на пештерски цртежи, урбани графити и симболи откопани од отпадот на цивилизацијата. Од кодови на пазарот, тие стануваат кодови на душевна и општествена криза. Изложбата ќе трае до септември. #MKC #ГалеријаМКЦ #Technoneolith #SlobodanZivkovski #Изложба #СовременаУметност #МакедонскаУметност #Скопје #ArtExhibition