Опис
#неЈас (#notI) е експериментална монодрама со перформативни елементи, видео и звучен дизајн, за жена во изолација која, соочувајќи се со сопственото минато, се обидува да го поврати својот живот. Таа самата си е судија и обвинител, обидувајќи се да открие каде погрешила. Го реконструира сопствениот живот како дневник што се испишува во живо, настојувајќи повторно да ја пронајде својата женственост. Жената која никогаш не проговорила сега одново го открива својот глас – како порој од зборови и чувства, некои исполнети со значење, други без непосредна смисла.
Претставата е сложувалка. Фрагменти од приказни и фрагменти од животот се обидуваат повторно да се состават во една целина. Сè навидум е лишено од смисла, како во секој бекетовски универзум. Главниот лик се обидува да ги поврзе настаните, но последната задача му останува на гледачот – самиот да ја реконструира приказната.
Напомена: Во претставата се користат специјални светлосни и звучни ефекти и таа не се препорачува за деца, бремени жени, лица со епилепсија, лица со пејсмејкер и лица со фотосензитивност.
#notI
според текст на Семјуел Бекет
Игра:
Андреа Танасе
Режисер: Касандра Тополоџеану
Дизајн на видео и звук:
Каталин Карамида
Овидиу Кристијан
Продукција:
Театар „Тони Буландра“, јули 2021 г.