Опис
На своето патување, витезот Ланселот застанува во град каде што веќе четиристотини години владее страшен триглав змеј, безмилосниот експлоататор и самодржец кој секоја година си избира нова девојка и ја јаде. И покрај ова, жителите на градот послушно ја прифаќаат неговата тиранија. Веќе двесте години никој отворено не му се спротивставил на змејот, а некои дури и му се восхитуваат. Херојскиот и добродушен Ланселот сака да го ослободи градот, па затоа го предизвикува змејот на двобој. За да се ослободи од предизвикувачот, змејот пред борбата прибегнува кон разни трикови, бесрамно мами, поткупува, уценува и поттикнува на убиство. Ланселот е изненаден што дури и граѓаните, предводени од градоначалникот, го одвраќаат од идејата да ги спаси од нивниот проблем. Конечно, витезот победува и градот е спасен. Но, една година подоцна, во градот речиси ништо не е променето. За тоа време, на позицијата тиранин се поставува поранешниот градоначалник, кој дури и се прогласува за убиец на змејот, па за нов градоначалник го назначува својот син. Владеењето на змејот зад себе оставa изопачени души, и прашањето е како да се промени општеството, дали е можно да се убие змејот во секој поединец и чија задача е тоа.
----------------------------------------
ПОВЕЌЕ ПРЕТСТАВИ.
ЕДЕН БИЛЕТ.
Оваа претстава можете да ја гледате и со блок-билет за РУТА. Изберете пакет од 4 или 6 претстави од главната фестивалска програма и заштедете до 2.100 денари.
Погледнете ги блок-билетите » [https://dramski.mk/ruta/]
----------------------------------------
Евгениј Шварц (1896–1958), советски писател и драматичар, бил жесток противник на автократскиот режим на Советскиот Сојуз. Политичката сатира „Змејот“, сместена во рамките на бајка, ја напишал во 1944 година, но нејзиното изведување било забрането веднаш по премиерата. Потоа претставата не била поставена сè до 1962 година, речиси десет години по смртта на Сталин. Користејќи иронија и сарказам, метафори и духовити остроумности, во низа апсурдно комични ситуации, Шварц ги критикува методите на владеење во тоталитаризмот – покажување моќ, целосна контрола и потиснување на секој неистомисленик. Шварц е немилосрден кон апатијата на луѓето кои се потчинуваат на сево ова. Денес, во време на повторно оживување на радикалната десница, ескалацијата на тоталитарни идеи и сè поголемата концентрација на капитал во светот, пиесата „Змејот“ е повторно актуелна и поставува голем број релевантни прашања. „Змејот“ е поставен според новиот превод на словенечки јазик на Боштјан Горенц и верзијата на американскиот професор Лоренс Сенелик, големиот познавач на руската книжевност, особено на руската драма.
За режисерката
Режисерката Нела Витошевиќ (1984) е една од најзначајните претставнички на средната генерација македонски театарски творци. Словенечката театарска публика ја запозна во 2022 година на фестивалот РУТА, каде што се претстави со „Мојот маж [https://dramski.mk/programa/mojot-mazh/]“ од Румена Бужаровска, во изведба на Драмски театар Скопје. Во оваа претстава на свеж и лично ангажиран начин се осврна на невралгичните точки на патријархатот. Со слична тема се потпиша и во 2023 година, кога во МГЛ со современ пристап ја постави „Нора“ од Ибзен.
Од режисерката
„Во современ контекст, ‘Змејот’ е остра алегорија за упорноста на авторитаризмот и илузијата за ослободување. Иако првично напишан како скриена критика на тоталитарните режими, денес функционира како коментар за тоа како општествата го интернализираат угнетувањето – односно, како ‘змејот’ живее во мислите, навиките и компромисите на луѓето. Останува актуелен во време кога популизмот, дезинформациите и политичката апатија им дозволуваат на ‘змејовите’ да се појават во нови облеки. Комбинацијата на Шварц од бајковита структура и темна сатира е моќно предупредување дека храброста не е доволна за победа над тиранијата, туку потребна е и културна, институционална и психолошка преобразба.“
АКТЕРСКА ЕКИПА
Змејот:
Себастијан Каваца
Ланселот, витез скитник:
Филип Самобор
Шарлеманка, архивар:
Мојца Функл
Ива Крајнц-Багола
Елза, нејзината сестра:
Ајда Смрекар
Градоначалник:
Урош Смолеј
Хенрик, синот на градоначалникот:
Матевж Слуга
Мачка:
Тјаша Железник
Прва градска жена:
Тања Димитриевска
Втора градска жена:
Лена Хрибар Шкрлец
Вероника Железник (к.г.)
Шпела Ловрец (к.г.)
Трета градска жена:
Јулита Кропец (к.г.)
Прв мештанин, стражар, чувар на затвор:
Џозеф Нзобандора–Хозе
Момче, син на првата градска жена:
Нејц Језерник (к.г.)
АВТОРСКИ ТИМ
Превод на словенечки јазик:
Боштјан Горенц
Адаптација:
Нина Куцлар-Стиковиќ
Нела Витошевиќ
Режисер:
Нела Витошевиќ
Драматург:
Нина Куцлар-Стиковиќ
Сценограф:
Игор Васиљев
Костимограф:
Јелена Проковиќ
Автор на музиката:
Вал Фирст
Лектор:
Барбара Рогељ
Дизајнер на светло:
Боштјан Кос
Дизајнер на звук:
Сашо Драгаш
Асистент на костимографот:
Саша Драгаш
Превод на титл на македонски јазик:
Дарко Спасов