Опис
Драмската структура на театарската претстава Мојот маж е изградена од два меѓусебно испреплетени материјали, и тоа, драматизацијата на шесте раскази (Супа, Празно гнездо, Прељубник, Осми март, Гени и Лиле) и документарниот материјал произлезен од авторските монолози. Дејствата/состојбите од расказите на Бужаровска, како и документарниот дел (авторските монолози) тематски се цврсто поврзани со поднебјето и времето во кое се одигруваат, без притоа да се засноваат на дневно-политички актуелности. Расказите и авторските монолози имаат цел да поттикнат надминување на стереотипите и предрасудите, и отворено инсистираат на судир помеѓу традиционалното и современото. Сега, денес, сѐ уште имаме потреба да се соочиме со сегашноста преку ревидирање на минатото.
Играно-документарниот пристап, како жанровска определба и драматуршко-режисерскиот концепт, е сеприсутен на европските театарски сцени, но е кревок/редок пример на македонската театарска сцена. Играно-документарниот пристап нуди едно сосема ново, поинакво театарско искуство, кое предизвикува силни емоции и соочување со себе и од себе, со себе кон другиот, од другиот кон себе. Тоа е редок колективен чин кој не е приземно сентиментален и патетичен, туку напротив длабоко е емпатичен и хуман. Присутноста на театарска спонтаност (кај актерот и гледачот) доведува до ослободување и отвора простор за различна театарска перспективност.
Колаж од расказите на Румена Бужаровска и авторски монолози
Режисер:
Нела Витошевиќ
Драматизација:
Нела Витошевиќ
Викторија Рангелова-Петровска
Драматург:
Викторија Рангелова-Петровска
Костимограф:
Роза Трајчевска-Ристоска
Сценограф:
Костантин Трпеноски
Асистент на сценографот:
Моника Ангелевска
Избор на музика:
Нела Витошевиќ
Мајстор на тон:
Саше Ѓорѓиев
Мајстор на светло:
Дејан Блажевски
Дизајн на плакатот:
Борче Димитриоски
Фотограф:
Кире Галевски
Инспициент:
Жарко Намичев
Суфлер:
Жаклина Цветковска
ПОВЕЌЕ ЗА ПРЕТСТАВАТА » [https://dramski.mk/programa/mojot-mazh/]
Актери
Игор Ангелов
Лазар Христов
Наталија Теодосиева
Сања Арсовска
Сара Климоска
Трајанка Илиева-Вељиќ
Филип Трајковиќ